Eich Cwestiynau, wedi’u Hateb

Mae unrhyw ddata personol a gaiff ei roi wedi’i ddiogelu gan Reoliadau Diogelu Data Cyffredinol (GDPR) ac ni fydd unrhyw ddata’n cael ei rannu â phobl eraill. Ni fydd y wybodaeth y byddwch chi’n ei rhoi’n cael ei defnyddio at unrhyw ddiben arall heblaw ar gyfer datblygu Cynlluniau Creu Lleoedd yn Sir y Fflint.

Nid yw’r ymgynghoriadau’n casglu gwybodaeth fel lleoliad penodol nac yn adnabod unigolion na’u gwybodaeth bersonol, gan eithrio casglu codau post a chyfeiriadau e-bost – ond mae rhoi’r wybodaeth hon yn ddewisol wrth gwblhau’r arolwg ar-lein neu fynd i’r digwyddiadau wyneb yn wyneb.

Mae'r wybodaeth sydd wedi’i chasglu a'r atebion gan bob unigolyn yn ddienw ac yn cael eu cyflwyno’n rhan o'r data cyffredinol a gasglwyd ac felly golyga hyn na fydd modd adnabod ymatebion unigol.

Nid yw’r syniad o ‘greu lleoedd’ - y ffordd mae ein trefi wedi’u dylunio a sut mae gofod cyhoeddus yn cael ei siapio - yn newydd ond mae’n parhau i fod yn bwysig. Mae tref sy’n gweithredu’n dda o fudd i bawb ac mae’n cael effaith fawr ar ein hiechyd, lles ac amgylchedd yn ogystal â’n heffaith fasnachol a thwristiaeth. Bydd Cynlluniau Creu Lleoedd yn gosod gweledigaethau ar gyfer trefi modern, bywiog lle mae’r secirau cyhoeddus, preifat a chymunedol yn gweithio gyda’i gilydd i sicrhau bod trefi Sir y Fflint yn ffynnu.